ИРГЭНИЙ САНААЧИЛГА 2011
2010 оны 9 сарын 23Бүгдээрээ хамтдаа, бүр ч илүү ихийг бүтээнэ.”
Монгол Улсын Ерөнхийлөгч Цахиагийн Элбэгдорж “... Ардчилсан засаглал нь иргэний нийгмийн байгууллагуудтай нягт хамтран ажилласан цагт асуудлын цөм рүү орж, зөвхөн түүнийг шийдвэрлэх арга замыг ярих бус, харин илүү бүтээлч үйл ажиллагааг хөгжүүлж чаддаг...” гэжээ.
Түүгээр ч зогсохгүй ноён ерөнхийлөгч нийгмийн салбарт тулгамдсан асуудлыг хэлэлцэх мянга мянган уулзалтаас өөрийн дүгнэлт гаргасан нь асуудлыг бус үйл ажиллагааг хөгжүүлэх уулзалтыг зохион байгуулах нь зүйтэй гэж үзсэн юм.
Ерөнхийлөгч Элбэгдорж иргэний санаачилгыг үйл ажиллагаа болгох, түүнийг хөгжүүлэхэд дэмжлэг үзүүлэх, амлалт өгөх улс төр, бизнесийн салбарт тэргүүлэгчдийн “ИРГЭНИЙ САНААЧИЛГА” уулзалтыг санаачлаад байна.
“ИРГЭНИЙ САНААЧИЛГА” уулзалт нь жил бүрийн 11 сарын 26, Улс тунхагласны баярын өдөр зохион байгуулагдана.
Уулзалтаар тухайн жилд иргэний санаачлан хэрэгжүүлсэн төсөл, хөтөлбөр, үйл ажиллагааны талаарх нэгдсэн мэдээллийг сонсож, тэргүүний 100 иргэний санаачилгад Ерөнхийлөгчийн талархал гардуулж, тухайн жилдээ хамгийн тэргүүн санаачлагаар тодорсон дөрвөн ИРГЭНИЙ САНААЧИЛГА-ыг хэлэлцүүлж, цаашид тэргүүний санаачлагын хамрах хүрээг тэлэх, үүнээс иргэдийн хүртэх ашгийг нэмэгдүүлэх зорилгоор улс төр, бизнесийн төлөөллийнхний дэмжлэгийг хуримтлуулах юм. Ингэснээр та дараа жилийн хуралдаанд ИРГЭНИЙ САНААЧИЛГА-ын жилийн ажлыг нээлттэй тайлагнаж, талархалд бас дахин нэр дэвших боломжоор хангагдана.
Иргэн таны санаачлагыг бид дэмжинэ.
Нийгмийн бүхий л салбарт тулгамдаж буй асуудлыг хөндсөн, бусдад үлгэр дуурайлал болох иргэний санаачлагыг хөхүилэн дэмжих, түүнд баг, хамт олон, байгууллага, иргэдийн оролцоог нэмэгдүүлсэнээр улс орны ардчилсан засаглал, чөлөөт эдийн засгийн хөгжилд үнэтэй хувь нэмэр оруулах зорилгоор Эй Би Ай Хүрээлэнгээс ЭЛБЭГДОРЖ-ИРГЭНИЙ САНААЧИЛГА /хувилбар: Монгол Улсын Ерөнхийлөгч Цахиагийн Элбэгдоржийн нэрэмжит ИРГЭНИЙ САНААЧИЛГА/хөдөлгөөнийг зохион байгуулж байна.
“Иргэний Санаачилга” хөдөлгөөнд иргэн та хэрхэн оролцох вэ?
Иргэн та өөрийн санаачилж, хэрэгжүүлсэн, цаашид олон нийтийн дэмжлэг авах хэрэгцээ, шаардлага байгааг тодотгосон өөрийн төсөлөө жил бүрийн 7 сарын 1-нээс өмнө Эй Би Ай Хүрээлэнд өөрийн биеэр хүргэнэ
- Та бусдын санаачилсан тэргүүний үйл ажиллагаанд өөрийн биеэр хамтран оролцох, зоригжуулах, идэвхижүүлэх, урамшуулах хүсэлтэй бол хуралдаанд оролцож, санаачлагыг хөгжүүлэх тухайгаа жил бүрийн 7 сарын 1-нээс өмнө Эй Би Ай Хүрээлэнд өөрийн биеэр мэдэгдэнэ
- Та тодорхой асуудлаар өөрчлөлт хийх саналтай, бусдын зүгээс дэмжлэг хэрэгтэй бол өөрийн санаачлагыг хөгжүүлэх боломж танд ИРГЭНИЙ САНААЧИЛГА уулзалт олгож байна
- Та сэтгүүлч, зохиолч, хэвлэл мэдээллийн ажилтан бол иргэний санаачлагыг олон нийтэд таниулж, мэдээлэл, технологийн ажилтан бол иргэний санаачлагын сүлжээ байгуулж оролцож болно.
- Та иргэний санаачлагыг хөгжүүлэх уулзалтанд оролцож, хөтөлбөрийг дэмжигч, ивээн тэтгэгчээр оролцох боломжтой
